🔴 نداء انساني عاجل 🔴
صراحة مش عارف من وين او بمين بدي بلش 😞
بالبنت الصغيرة، بالأم، بالجد ولا بالست؟
وصلني مساج من مدام عم تسال عن دوا اذا موجود ومستحيى تطلبوا، وانا وعم بحكيها لأستفسر شوفوا ملا وضع عايشتو ..
جيسي مرا مطلقة وعندا بنت عمرا 13 سنة وعايشة مع اما وبيا بأدونيس بغرفة عالسطح سقف اترنيت، كانت المعيلة الوحيدة لعيلتها قبل ما تتدهور حالتها الصحية وتبطل تقدر حتى تقوم وبدا مين يساعدها.
الوضع المعيشي : عدم
- السكن عبارة عن غرفة صغيرة سقف اترنيت كل ما شتت الدني بتطوف عليهن فيها حمام بلا باب ومطبخ متر بمتر
- لا يوجد غاز وكان في ماكروايف فقعت من شي شهرين
- قدرنا امنالهن دفاية صغيرة
- موتور الكهرباء 120 الف شهرياً وصارو مكسورين على 4 اشعر ومهددن يقطعوا وما فيهن بلا كهرباء كرمال مكنات الاوكسيجين
- مواد غذائية ومواد تنظيف عم نجرب قد ما فينا نقدر نأمنلن او بيضلوا بلا اكل
- الدكانة صار بدها منهن 865 الف وعم بيطالبهن ولنو بقسم
- ما في انترنت بالبيت والبنت الصغيرة ما عندا لا لابتوب ولا ايباد بتنزل كل يوم عند الجيران لتلقط wifi وتتدرس اونلاين وبحاجة لقرطاسية دفاتر واقلام
- ولتكمل جارتهن اللي تحتن رفعت عليهم دعوة بدها تهد الغرفة اللي عالسطح بحجة انو عم بيصير في نش والمحامي بدو مليون ليرة
- البنت بالمدرسة وقفولا الاونلاين لأنو مش دافعا القسط المكسور جربنا نحكي معن قبلو انو يندفع التسجيل 350.000 بالأول ليرجعوا يخلوها تتعلم والباقي بيتقسطوا وقيمتهن 3 مليون ليرة

الوضع الصحي للأربعة اشخاص
بحاجة لأدوية بكلفة 800 الف تقريباً شهرياً
الأم :
- عايشة عالاوكسيجين عندها مكنة اجارها بالشهر 125 الف ليرة (بعدو عالقديم ) بحاجة شهرياً ل 3 غالون مي مقطرة للمكنة سعر الواحد33 الف أي 99 الف بالشهر
- عندها تكسر بالدم ، كل شهر بحاجة لكيسين دم تعلقهن وفحص دم شهري بيكلف 180 الف
- من فترة لقطت فيروس من المستشفى بالمعدة والمصران اللي وقف قسم منو واضطرت تعمل عملية كبيرة لشالو هيدا القسم ، هلق معدتها رجعت عم بتعاود وقدرنا بفضل التبرعات انو نعملها صورة ملونة 550 الف
وتبين معن بس كانو عم يعملوها انو بالعملية شايلينها المرارة وما معا خبر وعم بتسببلا بأوجاع كتيرة وبحاجة لعلاج
- عندها وجع بضهرا ما عم تقدر تتحرك بحاجة ل IRM بكلفة 800 الف
- اسنانها عم يتكسروا ونيرتها عم تنزف دم الحمدالله في دكتور عم بيعالجها الالتهابات بالنيرة عحسابو

الابنة :
البنت عمرا 13 سنة عملت هي وزغيرة مرض Purpura تفقيع عروق الدم بكل الجسم وعلى اساس صحت منو ، هلق رجع عم ببين عالركب باجريها وقلا الحكيم انو اذا تطور او زاد ممكن يصير في شلل لا سمحالله وضروري ينعمل IRM بيكلف 800 الف ( قدرنا عملناه ) وتبين انها بحاجة لجلسات فيزيائية وعلاج بالابر، والبنت بتاخد ادوية حديد لأنو دما كتير واطي

الجدة :
الجدة عندا مشكلة بالمبولة متضخمة وطالعة لبرات جسما هي وبيت الرحم ولازملا صورة مستعجلة وفحوصات دم بيكلفوا 366000 وعندا Echo للقلب لأنو عندا صمام عم بينفس بيكلف 404000 وبتاخد عدة ادوية وبدها حق كشفية حكيم القلب وحكيم المسالك البولية اللياكيد لازم تعمل عملية مستعجلة
الجد:
الجد عامل عملية بالقلب من فترة وعندو كمان كذا دوا والحمدالله كل الادوية مقطوعة

لكل حدا قادر يساعد بشو ما كان ، ان كان بشي بسيط من حق الفحوصات والصور او بالأدوية او بمواد غذائية يتواصل معنا عالرقم 03359092
وشكراً للكل من القلب ❤️🙏