بدي اطلب منك مساعدة، بس هالمرة مو إلي، لإنسان بتمنى من قلبي نقدر نساعده يكمّل حلمه.

في شاب حلمه يصير طيار، وفعلاً قطع نص الطريق ودرس وتعب، بس مرّ بظروف صعبة كتير اضطرته يوقف دراسته، وكان مرض الكانسر واحد من الأسباب اللي زادت صعوبة رحلته. ورغم كل شي، قرر يرجع ويكمّل حلمه وما يستسلم.

الحمد لله، وصل لآخر مرحلة، وبعد مفاوضات مع الجامعة، قدر يحصل على موافقة لتقسيط المبلغ المتبقي مقابل عقد التزام لمدة ٥ سنين. بس لحتى يقدر يبدأ شغله ويفتح هالباب لمستقبله، لسه محتاج مبلغ ٨٠ ألف درهم، وهو كامل المبلغ المطلوب لتغطية الأقساط، بقيمة ٧٧٠٠ درهم لمدة ١٤ شهر.

الشب عنده استعداد يوثّق المبلغ كامل بسندات رسمية، ويقدّم كل الإثباتات والأوراق المطلوبة، سواء من الجامعة أو بخصوص التزامه بالتقسيط وفرصة العمل، حتى تكون الأمور واضحة وموثّقة بالكامل. وهو مستعد يردّ المبلغ من راتبه بمجرد ما يبلّش شغل، حسب الاتفاق اللي يتم التوصل إله.

يعني هو مو عم يطلب حدا يعطيه مصاري بدون مقابل، هو بس محتاج فرصة تساعده يوصل لنهاية الطريق اللي تعب كتير لحتى يوصلها.

فكرت إذا ممكن تساعدنا نوصل لجمعية بالشارقة تقدر تدعمه، أو إذا في إمكانية نلاقي طريقة نجمع فيها المبلغ ونساعده يبدأ حياته المهنية. وحتى إذا في جهة بتحب يكون الدعم من خلالها، هو مستعد يتعاون معها ويقدّم كل الضمانات المطلوبة.

بعرف إنك بتساعد ناس وبتوقف مع حالات إنسانية، ولهيك حبيت احكي معك، يمكن من خلالك نقدر نلاقي باب أمل لهالشب.

مو شرط تكون المساعدة منك شخصياً، يمكن بس توصلنا للشخص أو الجهة الصح يكون إلها أثر كبير بحياته.

إذا قدرنا نساعده، ما رح نكون بس ساعدناه بمبلغ مادي، رح نكون ساعدناه يرجع يكمل حلمه ويبني مستقبله بعد كل الظروف اللي مرّ فيها.

الله يجزيك الخير يا طوني، وشكراً من قلبي لوقتك ولقلبك اللي بيحب يساعد الناس ❤️